Søke om godkjenning av omsetnadsledd for å delta i marknadsordninga for potetar

Godkjenninga er for å

• delta i avrensordninga for potetar
• gjennomføringa av avsetningstiltak for matpotetar

For å bli godkjent må omsetnadsleddet

• vere registrert i Føretaksregisteret og ha fast forretningsadresse
• i eit normalt driftsår ha inntak av potetar på minst 1 000 tonn i Sør-Noreg og minst 250 tonn i Nord-Noreg, direkte frå føretak som driv med produksjon av matpotetar
• ha den direkte kontakten med føretaka som driv produksjon av matpotet, og all avrekning og fakturering av potetar må skje i omsetnadsleddet sitt namn

Omsetnadsleddet skal til kvar tid følge dei klassifiserings- og merkingsføresegn som blir gitt av Landbruks- og matdepartementet og/eller Mattilsynet. 

Til søknaden skal du legge ved kopi av firmaattest, godkjenning frå Mattilsynet og lista med namn over føretak eller forventa føretak. Vi tilrår at du har dette klart når du registrerer søknaden.

Bruk skjema Søknadsskjema for godkjenning av omsetningsledd for deltakelse i markedsordningen for potet (LDIR-851) for å søke.

Søknadsfrist: Løpande.

• kven som søker
• opplysningar om administrasjon og anlegg
• informasjon om mottak av potetar
• revisors stempel og underskrift

I tillegg skal du legge ved vedlegg

• kopi av firmaattest
• godkjenning frå Mattilsynet
• liste med namn over føretak, eller forventa føretak

Send søknaden med vedlegg til Landbruksdirektoratet på e-post til postmottak@landbruksdirektoratet.no, eller til Landbruksdirektoratet, Postboks 1450 Vika, N-0116 Oslo. 

Når Landbruksdirektoratet har motteken søknaden, får du ei bekrefting på e-post eller som brev i posten.

Når Landbruksdirektoratet har fått søknaden sjekkar dei opplysningane du har sendt inn. Ved behov kan direktoratet be om meir informasjon.

Landbruksdirektoratet behandlar søknaden og gjer vedtak.

Søknaden kan bli tatt ut i kontroll. Du pliktar å godta kontroll, gi nødvendige opplysningar og hjelpe til med å gjennomføre kontrollen. Kontrollar kan gjere at saksbehandlinga tar lenger tid.

Du får svar på søknaden i e-post eller i brev i posten, normalt 4 veker etter at søknaden er motteken.

Du kan klage på vedtaket. Klagen blir sendt til Landbruksdirektoratet. Landbruks- og matdepartementet vil behandla klagesaka viss ikkje Landbruksdirektoratet gjer om vedtaket.