Tilskot til avl av settepotet

• Prisnedskriving
  • for settepoteter i klassene prebasis, basis og sertifisert.
  • for avl av klon, prebasis, basis og sertifiserte settepoteter.
• Drift og vedlikehald
  • for klonavl, til drift og vedlikehald av naudsynte veksthus, testingsutgifter, jordprøvetaking for kontroll med potetcystenematode m.m., utskifting av settepoteter (punktsanering) og utstyr til varmeterapi.
• Arealtilskot
  • Dyrkingstilskot for godkjend klasse prebasis pr daa og per parti.
• Distriktstilskot
  • for sertifiserte settepoteteter av klassene prebasis, basis og sertifisert dyrka i Nord-Noreg.
• Frakttilskot
  • til fraktutgifter ut over fastsett sats, ved frakt av settepoteter av klassene prebasis, basis og sertifisert. Gjeld ikkje lokale fraktutgifter ved fordeling og distribusjon.

• Formålet med tilskotsordninga er å stimulere til auka bruk av settepoteter av høg kvalitet gjennom den sertifiserte settepotetavlen.
• Klonavl og sertifisert avl av settepoteter må ha gått føre seg i samsvar med forskrift om settepoteter.
• For frakttilskot vert det føresett at transporten skje på billigast mogleg måte og i rasjonelle parti.
• Godkjende sortar som er med i settepotetavlen kan søkje tilskot sjølv om vara ikkje er godkjend i samsvar med ordinære kvalitetskrav på søknadstidspunktet. Det vert då føresett at vara vert godkjend for omsetjing som sertifisert vare etter søknad.
• Prisnedskrivinga skal gjerast kjent på prislister og faktura.

Ein kan gje dispensasjon for

• Tilskot for arealtilskot sjølv om det ikkje er levert settepoteter.
• Tilskot til prisnedskriving for dyrkarar som ikkje får avsett dei sertifiserte potetene sine til settepoteter
• Tilskot til andre tiltak som fremjar sertifisert settepotetavl og bruken av sertifiserte poteter.

Det må søkjast spesielt om dispensasjon. Du sender søknaden til Landbruksdirektoratet.

Det er ikkje eit eige skjema for å søkje om tilskot til avl av settepotet. For å søkje må du skrive eit søknadsbrev i fritekst.

Søknadsfrist: 15. november.

• kven som søkjer
• kontonummer
• kva du søkjer tilskot til

Prisnedskriving- og distriktstilskot utbetalast med grunnlag i avrekning med settepotetprodusent, Avrekninga skal ha følgjande opplysningar:

• vareslag (sort/klasse)
• leveringsdato
• nettovekt settepotet
• analyseprov
• sats og beløp for dei enkelte tilskota

Frakttilskot utbetalast på grunnlag av fraktnota. Fraknota skal innehalde:

• namn og adresse til avsendar
• namn og adresse til mottakar
• sals- og leveringsdato
• tal kolli og kollivekt
• avsendar stad/ stasjon
• bestemmingsstad/ stasjon
• transportmiddel
• vareslag (sort/klasse)
• fraktkostnadar

Tilskot til klonavl vert utbetalt med grunnlag i areal og 1 og 2 års klonparti som er godkjende av Mattilsynet.  Arealtilskot vert utbetalt med grunnlag i analyseprov. Tilskot til andre tiltak vert utbetalt med grunnlag i dokumenterte utgifter.

Send søknaden med vedlegg til Landbruksdirektoratet på e-post til postmottak@landbruksdirektoratet.no, eller til Landbruksdirektoratet, Postboks 1450 Vika, N-0116 Oslo. 

Når Landbruksdirektoratet har fått søknaden, sjekkar dei opplysningane du har sendt inn. Om det er naudsynt, kan direktoratet be om meir informasjon.

Landbruksdirektoratet handsamar søknaden og fattar eit vedtak.

Landbruksdirektoratet kan take ut søknaden til kontroll. Du pliktar å godta kontroll, gje naudsynte opplysningar og hjelpe til med å gjennomføre kontrollen. Kontrollar kan gjere at sakshandsaminga tek lenger tid.

Du får svar på søknaden i ein e-post eller i eit brev i posten.

Om du får tilskot, vert pengane automatisk overførte til konto. Det er Landbruksdirektoratet som utbetalar pengane.

Du kan klage på vedtaket. Klager vert sende til Landbruksdirektoratet. Landbruks- og matdepartementet vil handsame klagesaka om ikkje Landbruksdirektoratet gjer om vedtaket.

Om det er gjort feil i utbetalingar, ved regelbrot eller du har gjeve feil opplysningar, kan Landbruksdirektoratet krevje tilbakebetaling og/eller avkorte tilskotet.