Tilskot til frøavl

Føretak som avlar sertifisert såvare av gras og engbelgvekstar, og føretak som avlar såvare av grønsaker og rotvekstar. Det er eit vilkår at føretaket oppfyller krava i Forskrift om såvarer, og at avlen skjer på kontrakt med ei såvareforretning. 

Føretak som avlar økologisk stikkløk. Det er eit vilkår at føretaket oppfyller krava i Forskrift om plantehelse og tiltak mot planteskadegjerarar, og at avlen skjer på kontrakt med ei såvareforretning. 

Såvareforretningar som overlagrar frø av gras, engbelgvekstar, rotvekstar og grønsaker. Det er eit vilkår at føretaket oppfyller krava i Forskrift om såvarer.

Føretak som avlar naturfrø av regionalt tilpassa pollinatorvennlege blomsterartar. Det er eit vilkår for tilskot at avlen skjer på kontrakt med ei såvareforretning. Det kan også bli gitt tilskot til såvareforretningar som overlagrar naturfrø av regionalt tilpassa pollinatorvennlege blomsterartar. 

Du kan søke om 

• pristilskot 
• arealtilskot til gjenlegg av gras og naturfrø av pollinatorvennlege blomsterartar
• arealtilskot til slått av første års eng ved økologisk frøavl 
• arealtilskot ved feilslått avling, garantitilskot 
• tilskot til overlagring 

Det blir gitt tilskot til artar spesifisert i vedlegg 1 og 2 som beskrive i forskrifta. Det blir ikkje gitt tilskot til avl av bevaringsverdige sortar og naturfrøblandingar.

• Føremålet med ordninga er å fremme dyrking og frøforsyning av gras, belgvekstar, rotvekstar og grønsaker med klimatilpassa sortar, og dessutan naturfrø av regionalt tilpassa pollinatorvennlege blomsterartar. 
• Tilskot blir utbetalt til godkjente såvareforretningar som vidareformidlar areal- og pristilskota til kontraktsdyrkarane sine, medan overlagringstilskot tilkjem forretningane. 

Det er såvareforretningane som på vegner av kontraktsdyrkar sender søknad til Landbruksdirektoratet.

Det blir ikkje nytta fastsette skjema for pristilskot og arealtilskot, men ved søknad om tilskot til overlagring skal det brukast eit fastsett overlagringsskjema.

For sortar av gras, engbelgvekstar, rotvekstar og grønsaker

Pristilskot - søknadsfrist 1.september 

• Oppgåve over avlare (namn og adresse) 
• Sort
• Partinummer 
• Kvantum godkjent vare 
• Berekna pristilskot 

Arealtilskot - søknadsfrist 1.september 

• Oppgåve over avlare 
• Areal 
• Berekna tilskot 
• Areal med rett til tilskot, med bakgrunn i opplysningar i frøavlskontraktar
• Skjema for vekstkontroll og utført gjenleggkontroll

Arealtilskot ved feilslått avling, garantitilskot - søknadsfrist 1.september

• Oppgåve over avlare 
• Areal godkjent i vekstkontroll 
• Såvareavrekning (vareverdi) 
• Berekna garantitilskot 

Overlagring - søknadsfrist 15.november

• Partinummer og talet på kilo overlagra vare av kvart enkelt parti 
• Kvantum selt til forbrukar og detaljist kvart år i siste 5-årsperiode 
• Oppstilling over berekna normallager for kvar art 
• Produksjon og omsetning av frø som ligg på lager per 30. september (gjeld rotvekstar- og grønsaksfrø) 

For naturfrø av regionalt tilpassa blomsterartar

Pristilskot - søknadsfrist 1.september

• Oppgåve over avlare (namn og adresse)
• Art
• Partinummer
• Kvantum vare
• Innsamlingsstad
• Avlingsstad
• Oppformeiringsgenerasjon

Arealtilskot - søknadsfrist 1.september

• Oppgåve over avlare
• Areal med rett til tilskot, med bakgrunn i opplysningar i frøavlskontraktar
• Skjema for vekstkontroll og utført gjenleggkontroll
• Areal
• Art
• Generasjon av frøet som skal bli oppformeira
• Berekna tilskot

Arealtilskot ved feilslått avling, garantitilskot - søknadsfrist 1.september

• Oppgåve over avlare
• Areal godkjent i vektkontroll
• Såvareavrekning (vareverdi)
• Totalt hausta kvantum
• Opplysningar om søknaden gjeld første eller andre hausteår
• Berekna garantitilskot

Overlagring - søknadsfrist 15.november

• Art
• Innsamlingsstad
• Partinummer
• Talet på kg overlagra vare av kvart enkelt parti
• Kvantum selt til forbrukar og detaljist kvart år i siste 5-årsperiode
• Oppstilling over berekna normallager for kvar art
• Produksjon og omsetning av frø som ligg på lager per 30. september (gjeld rotvekstar- og grønsaksfrø) 

Send søknaden med vedlegg til Landbruksdirektoratet på e-post postmottak@landbruksdirektoratet.no, og med kopi til ordningsansvarleg i Landbruksdirektoratet. 

Når Landbruksdirektoratet har fått søknaden blir opplysningane du har sendt inn sjekka. Ved behov kan direktoratet be om meir informasjon. 

Pristilskot, arealtilskot og garantitilskot blir prioritert framfor tilskot til overlagring av engfrø og engbelgvekstar, dette gjeld også for naturfrø av regionalt tilpassa pollinatorvennlege blomsterartar.

Pristilskot

• Oppgåvene som er sendt med søknaden, blir kontrollert opp mot Mattilsynet for sertifiserte frøparti i samsvar med vedlegg 1.
• Pristilskot blir berekna per kilo av artar og sortar som kjem fram av vedlegg 1 og 2 til forskifta.

Arealtilskot

• Tilskot til økologisk eng blir berekna ut frå slått dekar eng.
• Til etablering av gjenlegg i grasfrøproduksjon og naturfrø som blir etablert utan dekkvekst i inneverande vekstsesong, blir gitt per gjenlagt dekar berekna før vinteren.

Arealtilskot ved feilslått avling, garantitilskot

• Tilskotet blir berekna ut frå differensen mellom garantitilskotet og brutto salsverdi. Dette gjeld ved feilslått avling ved frøavl av raudkløver, kvitkløver og rotvekstar, og naturfrø.

Overlagring

• Tilskot til overlagring blir gitt av engfrø og engbelgvekstfrø på grunnlag av behaldning av overlagra vare per 30. september. Tilskot blir berekna ut frå opplysningar i overlagringsskjema for netto sal, lagerbehaldning og kvantum.

Det er Landbruksdirektoratet som gjer vedtak på søknaden.

Søknaden kan bli tatt ut i kontroll. Du pliktar å godta kontroll, gi nødvendige opplysningar og hjelpe til med å gjennomføre kontrollen. Kontrollar kan gjera at saksbehandlinga tar lenger tid.

Du får svar på søknaden på e-post, normalt 3-4 veker etter at søknaden er motteken.  

Vedtaket inneheld ei beskriving av kontrolltiltak som kan bli sett i verk.

Såvareforretningane skal på grunnlag av Landbruksdirektoratets vedtak, vidareformidle pristilskot og arealtilskot til kvar enkelt avlar. Dersom tilskot blir innvilga, blir samla tilskotsbeløp overført til konto. Det er Landbruksdirektoratet som utbetaler pengane.

Du kan klage på vedtaket. Klagen blir sendt til Landbruksdirektoratet. Landbruks- og matdepartementet vil behandle klagesaka viss ikkje Landbruksdirektoratet gjer om vedtaket.

Klagefrist: 3 veker.   

Dersom det er gjort feil i utbetalingar, du har gitt feil opplysningar, eller ved regelbrot og brot med føresetnadene for tildelinga, kan Landbruksdirektoratet krevje tilbakebetaling og/eller avkorte tilskotet.