Sal av grunnkvote

Du kan søkje om å selje heile eller deler av grunnkvoten din. Søknadsskjema opnar først etter det årlege jordbruksoppgjeret.

• Søknadsfrist: 15. august. 
• Når salet trer i kraft: frå 1. januar året etter. 
• Du må vanlegvis selje minst 40 prosent av grunnkvoten til staten for kr 4,00 per liter. Det betyr at 60 prosent kan seljast privat. Kor stor andelen er, blir bestemd i jordbruksoppgjeret.
• Den andelen av kvoten som blir seld privat, kan seljast til eigarar av landbrukseigedommar i same produksjonsregion. Prisen blir avtalt mellom kjøpar og sel.
• Sal kan ikkje føre til at grunnkvoten til kjøparen overstig 700 000 liter kumjølk eller 350 000 liter geitemjølk.
• Har du grunnkvote over produksjonstaka på 700 000 liter kumjølk eller 350 000 liter geitemjølk, og sel deg ned eller på anna måte avhender kvote til under taka, vil det ikkje vera mogleg å kjøpa seg opp att eller på anna måte erverve kvote til over produksjonstaka på eit seinare tidspunkt.
• Sal av grunnkvote påverkar verdien på eigedommen. Vi krev derfor samtykke i salet frå:
  • Alle medeigarar
  • Alle panthavere (tinglyst og registrert i grunnboka)

• Den digitale søknaden viser ei oversikt over medeigarar og panthavere. Du kan velje om samtykke skal givast digitalt eller på papirskjema. 
• Ved digitalt samtykke blir send ein førespurnad automatisk til Altinn-innboksen til medeigarar og panthavere når du sender inn søknaden.
• Avklar på førehand om dei vil samtykkje, og om dei kan samtykkje digitalt. 
• Viss samtykke blir gitt på papir, må du bruke skjema frå Landbruksdirektoratet. Dette finn du i den digitale søknaden.

Logg inn på tenesta kvoteordninga for mjølk via Altinn. Rettleiing for innlogging finn du på Altinns nettsider.

 I søknaden må du fylle ut: 

• Kommune-, gards- og bruksnummer til privat kjøper 
• Talet på liter som blir selt til privat kjøper  
• Talet på liter som blir selt til staten  
• Samtykke frå panthavere 
• Samtykke frå medeigarar 

Når søknaden er send, får du ei kvittering i Altinn-innboksen din.

Hugs å oppdatere kontonummeret ditt i Landbruksregisteret. Det kan du gjere her. 

Du må sjølv følgje opp digitale samtykkeførespurnader til panthavere og medeigarar. Viss vi ikkje får nødvendige svar innan samtykkefristen 1. september, kan søknaden bli avvist.

• Vi behandlar søknader fortløpande. 
• Søknaden blir behandla når alle nødvendige samtykke er sendt inn.

Du får vedtaket i Altinn, eller via post viss du har reservert deg mot digital kommunikasjon med det offentlege.

Betaling for kvotemengda du sel til staten blir utbetalt i januar.