Melde og søkje om hogst i Marka

• Foryngingshogst i Marka krev at du sender melding til kommunen.
• Hogst i føreslått verneområde i Marka krev godkjenning frå statsforvaltaren.
• Det er ikkje tillate å starte hogst før du har fått svar på melding eller godkjenning på søknad.
• Du må vere kjend med føresegnene i forskrift om skogbehandling og skogsdrift for skogområde i Oslo og nærliggjande kommunar (Marka).

Til søknaden skal du leggje ved kart med avmerking av hogstlokalitet utdriftstrasé. Vi tilrår at du har dette klart når du registrerer søknaden.

Bruk skjemaet Melding om foryngingshogst i Marka / Søknad om hogst i føreslått verneområde i Marka (LDIR-900) for å melde eller søkje.     

• kven som melder/søkjer
• opplysningar om hogstareal
• opplysningar om hogst, utdrift og forynging

I tillegg skal du leggje ved kart med avmerking av hogstlokalitet og utdriftstrasé.   

Send meldinga eller søknaden med vedlegg til kommunen, på e-post eller som brev i posten.

Om du får stadfesting på søknaden du har sendt inn, er avhengig av rutinane i kommunen.

Kommunen får både melding om foryngingshogst og søknad om hogst i verneområde i Marka. Dei sjekkar først opplysningane du har sendt inn. Dersom dei treng meir informasjon kan dei be om dette.

Melding om foryngingshogst blir behandla av kommunen, og dei gjev deg tilbakemelding. Tilbakemeldinga kan til dømes innehalde rettleiing om miljøtilpassingar, pålegg om miljøtilpassingar eller pålegg om reduksjon i flatestorleik.

Søknad om hogst i føreslått verneområde blir behandla av statsforvaltaren, og dei gjer vedtak. Svar på søknaden blir sendt frå kommunen.

Meldinga eller søknaden kan bli teken ut i kontroll eller for synfaring. Du pliktar å godta kontroll og synfaring, gje nødvendige opplysningar og hjelpe til med gjennomføring. Kontroll og synfaring kan gjere at saksbehandlinga tek lengre tid.

Du får svar på meldinga eller søknaden i e-post eller i brev i posten, normalt 3 veker etter at det er motteke.

Du kan klage på vedtaket. Klaga må du sende til kommunen. Statsforvaltaren vil behandle klagesaka dersom ikkje kommunen gjer om vedtaket.

Klagefrist: 3 veker.

Omtrentleg tid for klagebehandling: 12 veker.

Dersom du får løyve til hogst, kan du bli teken ut i kontroll eller for synfaring. Du pliktar å godta kontroll og synfaring, gje nødvendige opplysningar og hjelpe til med gjennomføringa.