Rapportere småsal og direktesal

• Alle skogeigarar skal rapportere alt småsal og direktesal.
• Gjeld sal som ikkje blir registrert av Skog-Data (PA eller Viken Skog). 
• For å rapportere må du
  • ha fått tildelt rettar til kjøpar som er føretak med organisasjonsnummer i Føretaksregisteret, eller
  • vere skogeigar med skogfondkonto 

Gå til Tømmer og virkeregistrering via Altinn for å registrere salet. Her blir du beden om å logge inn. Du finn informasjon om korleis du loggar inn på nettsidene til Altinn.  

Rapporteringsfrist: den 6. i månaden etter at heile eller delar av oppgjeret for det leverte virket har funne stad.  I praksis vil fristen variere mellom den 6. og den 12.

• opplysningar om seljaren/skogen der tømmeret kjem frå
• kven som skal betale inn skogfond
• opplysningar om kjøparen
• relevante referansar til EUs tømmerforordning
• opplysningar om målepliktig virke som det skal setjast av skogfond for

Dersom du ikkje har høve til å rapportere digitalt, kan du bruke skjemaet Rapportering av skogfond og måleopplysningar (LDIR-918) for å sende rapporten på e-post eller i vanleg post.

Når du har registrert og lagra opplysningane, ligg dei i systemet. Levering skjer automatisk mellom 6. og 12. i kvar månad avhengig av helgar og ferie og fridagar. Alle opplysningane du har lagra i perioden, blir då automatisk leverte. Etter dette kan du ikkje lenger endre, slette eller leggje til opplysningar for perioden.

Dersom du har brukt skjema, kan du sende dette på e-post eller i vanleg post til kommunen din.

• Landbruksdirektoratet sender på vegner av statsforvaltaren krav om innbetaling av skogfond og oversikt over kor mykje du skal setje av i FoU-avgift til kjøparen. Dette blir sendt som PDF-vedlegg på e-post.  
• Kommunen kontrollerer og godkjenner opplysningane som er registrerte.
• Statsforvaltaren godskriv den enkelte skogfondskonto med rapportert skogfond.
• På slutten av rekneskapsåret sender statsforvaltaren ei utskrift til likningsstyresmakta og til kvar skogeigar over avvirka kvantum, bruttoverdi og beløp som er sett av til skogfond.

Rapporten kan bli teken ut i kontroll. Du pliktar å godta kontroll, gje nødvendige opplysningar og hjelpe til med å gjennomføre kontrollen.

• gje politiske styresmakter oversikt over alt skogvirke som blir hogge til foredling eller sal
• sikre trekk og innbetaling av skogfond
• grunnlag for FoU-avgift til Skogtiltaksfondet
• dokumentere at hogst blir utført på lovleg måte (EUs tømmerforordning)

Du som kjøpar, får krav om innbetaling til skogfond og oversikt over kor mykje du skal setje av i FoU-avgift, som PDF-vedlegg på e-post. 

Dokumentet du får, har tre delar

• Krav om innbetaling av trekt skogfond. Du må betale kravet innan betalingsfristen som står i dokumentet. Der finn du også beløp og bankkontonummer.
• FoU-avgift til Skogtiltaksfondet. Avgifta skal du betale samla og etterskotsvis 15. februar og 15. august.
• Spesifikasjon over grunnlag for både trekt skogfond og FoU-avgift.