Boazodoalu dutkan- ja ovddidanruđaid almmuheapmi 2026
Dutkan man Boazodoalu ovddidanfoanda (BOF) ruhtada galgá buktit ovdan ođđa dieđuid ealáhusa birra.
Muitte ohcanáigemeari
Diehtu galgá leat áigeguovdil ja boazodoallu, hálddahus, politihkkárat ja muđui servodat galgá ohcalan dutkama.
BOF-stivra várre jahkásaččat ruđa dutkan- ja ovddidanprošeavttaide. Ruhta almmuhuvvo dábálaččat oktii jagis ja prošeavttat álggahuvvojit jagi maŋŋel go leat ožžon ruhtadeami.
Eanandoallodirektoráhtta lea Boazodoalu ovddidanfoandda čállingoddi ja fuolaha ruđaid almmuheami, ráhkkanahttá ohcamušaid stivrra meannudeapmái ja čuovvola prošeavttaid.
Jagi 2026 ovddas lea várrejuvvon gitta 3 miljovnna ruvnno sihke ođđa ja dálá prošeavttaide. Submi sáhttá rievdaduvvot.
Ohcanáigemearri lea čakčamánu 15. beaivvi.
Boazodoallošiehtadusas 2026/2027 leat šiehtadanbealit válljen vuoruhit ruhtadeami čuovvovaš dutkan- ja ovddidanprošeavttaid fáttáide:
- Dálkkádatrievdamiid váikkuhusat boazodollui ja vejolaš strategiijat dálkkádatheiveheapmái
- Guohtunguovlluid goziheapmi
- Boazodoalu areálaid sihkkarastin
- Boazodoalu siskkáldas stivrejumi ovddideapmi
- Boraspiriid ja boraspirehálddašeami váikkuhusat boazodollui
- Bohccuid dávddat
- Boazodoalu vásáhusvuđot- ja árbevirolaš máhtu duođašteapmi
