Gode prognosar for leveringstid, tonnasje og kvalitet er svært viktig for kva plass norsk frukt og bær kan ta i marknaden, og for økonomien til produsentane og pakkeria. Norsk frukt og bær er utsette for sterk konkurranse med import, både på typar som ikkje kan dyrkast i Norge, og av typar som vert produserte i Noreg i stor utstrekning. Norsk vare utgjer ein liten del av den totale omsetninga av frukt og bær i Noreg, men har eit stort potensiale i den perioden (sesongen) der norsk vare er inne. Difor er det særs viktig at norske produsentar kan gje gode prognosar til verdikjeda som skal få norske frukt og bær fram til norske forbrukarar, slik at dei ikkje fyller opp systema med importert vare.
Prosjektet skal leggja grunnlag for eit heilskapleg system som gir optimal datautnytting for prognosar i frukt og bær. Det er ei "nedanfrå og opp" tilnærming for korleis vêrforholda påverkar utvikling av frukt og bær under ulike forhold og korleis det påverkar tilførsla i marknaden. Gjennom vekstsesongen vert det i dag samla inn data hjå mange ulike kjelder, utan at det finst noko system for korleis desse blir samla eller validerte og forbetra. I prosjektet ynskjer ein å kartleggja kva data som er tilgjengelege og samanstilla desse. Deretter vil ein testa ulike matematiske modellar for prediksjon av avling og hausatetid på utvalde pilot-lokasjonar og kvantifisera kva ein kan tena på å bruka informasjon om jordkvalitetet og lokalklima på mikronivå samanlikne med bruk av berre makroklimatiske data. Prosjektet skal definera viktige modellparametrar og opplegg for datafangst i ei framtidig system, og leggja grunnlag for eit større forskingsprosjekt på prognosar i frukt og bær som er kopla opp mot SFI "Climate Future". Konsortiet som er etablert i prosjektet har høg kompetanse innan alle relevante område for å kunna utvikla gode prognosemodellara i frukt og bær.
